Юнисервис Солюшн ХХК нь эрх бүхий аж ахуйн нэгж, байгууллагуудыг махны нийлүүлэгч сонгон шалгаруулах нээлттэй тендерт оролцохыг урьж байна.

*2022/11/01-ээс 2023/10/ 31-ийг дуустал 1 жилийн урьдчилан тооцоолсон хэрэглээ

Оролцогчид тавигдах шаардлага

Тендерт оролцогч нь дор дурдсан шаардлагуудыг хангасан байна. Үүнд:

• МУ-ын хуулийн этгээдийн газар бүртгэлтэй, НӨАТ төлөгч байх
• Шалгаруулалт зарласан чиглэлээр 1-ээс доошгүй жил тогтвортой үйл ажиллагаа эрхэлсэн байх;
• Мах хадгалах зориулалтын шаардлага хангасан агуулахтай байх;
• Мах тээвэрлэх зориулалтын тээврийн хэрэгсэлтэй байх. Өөрийн тээврийн хэрэгсэлгүй бол тээврийн компанитай гэрээтэй байх.
• Сүүлийн нэг жилийн борлуулалтын орлого 500 сая төгрөгөөс дээш байх

Зөвхөн шаардлага хангасан компани тендерийн баримт бичиг худалдаж авах эрхтэй ба дараах материалыг 2022 оны 10-р сарын 03-ны дотор бүрдүүлэн unurbat.b@uss.mn хаяг руу илгээж бүртгүүлнэ.

• Компанийн улсын бүртгэлийн гэрчилгээний хуулбар
• Тендерт оролцох албан хүсэлт
• Компанийн товч танилцуулга
• Доор заасан дансанд эргэн төлөгдөхгүй нөхцөлтэй 50,000 төгрөгийн хураамж төлсөн баримт

Тендер шалгаруулалттай холбоотой мэдээлэл авах бол доорх утас болон и-мэйл хаягаар хандана уу.

Оролцогч саналаа ирүүлэхдээ хавсралт материалуудтай танилцан, шаардлага хангасан баримт бичгийг бүрдүүлэн доор заасан хугацаа, хаягаар ирүүлнэ. Захиалагч хугацаанаас хоцорсон, материал дутуу ирүүлсэн оролцогчийн саналаас татгалзаж буцаана.

Тендерт оролцогч баримт бичиг бэлтгэх, ирүүлэхтэй холбогдон гарсан бүхий л зардлыг өөрөө бүрэн хариуцна. Худалдан авах үйл ажиллагаатай холбоотой аливаа асуудал болон зөрчил үүссэн тохиолдолд М-Си-Эс Группийн Спийк-Аут хөтөлбөрөөр дамжуулан холбогдож шийдвэрлэнэ. Боломжит нийлүүлэгчдийг мэдээллээр хангах зорилгоор бидний зүгээс хүргүүлж байгаа баримт бичиг, мэдээллүүд нь нууцын зэрэглэлтэй байх ба үнийн санал өгөхөөс бусад зорилгоор хуулбарлан ашиглахыг хориглоно.