Ерөнхий мэдээлэл

Захиалагч эрх бүхий аж ахуйн нэгж, байгууллагыг Оюу Толгой гүнийн уурхайн төсөлд өвөл зуны ажлын хувцас, гутал нийлүүлэх үнийн санал ирүүлэхийг урьж байна.

Оролцогчид тавигдах шаардлага

Нийлүүлэгч дор дурдсан шаардлагуудыг бүрэн хангасан байна. Үүнд:

• МУ-ын Хуулийн этгээдийн бүртгэлийн газар бүртгэлтэй байх;
• Сүүлийн 3 жилийн хугацаанд худалдан авах ажиллагаанд оролцохдоо гэрээний үүргээ ноцтой зөрчөөгүй байх /М-Си-Эс Группийн/
• Оюу толгой төслийн шаардлагад нийцсэн хөдөлмөр хамгааллын хувцас хэрэглэл 3-аас доошгүй жил нийлүүлж байсан;
• Хөнгөн үйлдвэрлэл эрхлэх тусгай зөвшөөрөлтэй байх;
• НӨАТ төлөгч байх;

Тодруулга

Нийлүүлэгч та энэхүү худалдан авалтын хүсэлтийн дагуу саналаа ирүүлэх бол дараах имэйл хаягаар холбогдож нийлүүлэх бараа материалын төрөл, тоо хэмжээ, техникийн болон чанарын шаардлагатай холбоотой дэлгэрэнгүй мэдээлэл авах боломжтой.

Оролцогч саналаа ирүүлэхдээ шаардлага хангасан баримт бичгийг бүрдүүлэн доор заасан хугацаа, хаягаар ирүүлнэ. Захиалагч хугацаанаас хоцорсон, материал дутуу ирүүлсэн оролцогчийн саналаас татгалзаж буцаана.

Үнийн санал ирүүлэх оролцогч баримт бичиг бэлтгэх, ирүүлэхтэй холбогдон гарсан бүхий л зардлыг өөрөө бүрэн хариуцна. Худалдан авах үйл ажиллагаатай холбоотой аливаа асуудал болон зөрчил үүссэн тохиолдолд М-Си-Эс Группийн Спийк-Аут хөтөлбөрөөр дамжуулан холбогдож шийдвэрлэнэ. Боломжит нийлүүлэгчийг мэдээллээр хангах зорилгоор бидний зүгээс хүргүүлж байгаа баримт бичиг, мэдээллүүд нь нууцын зэрэглэлтэй байх ба үнийн санал өгөхөөс бусад зорилгоор хуулбарлан ашиглахыг хориглоно.