“Сэтгэлийн үр” ТББ-ын санаачилгыг М-Си-Эс Проперти болон сайн үйлсийг дэмжигч байгууллагууд хамтран дэмжиж арьс нөхөх мэс засалд нэн шаардлагатай арьс торлогжуулан томруулах аппаратыг Гэмтэл согог судлалын үндэсний төвийн Түлэнхийн тасгийн хамт олонд бэлэг болгон гардуулж өглөө. Улсын хэмжээнд ганц байсан өмнөх аппаратыг Франц улсын сайн санааны байгууллага мөн бэлэглэсэн бөгөөд өнгөрсөн жил эвдэрсэн тул эмч нар арьсыг гар аргаар нөхдөг байжээ. Сайн үйлсийг санаачлагч, дэмжигч  дээрх байгууллагууд 8400 ам.долларын үнэтэй арьс торлогжуулан томруулах уг аппаратыг АНУ-аас захиалж авчруулан хүлээлгэн өгсөн байна.