Сагсан бөмбөг сонирхогч залуусын хүсэн хүлээдэг “Sprite 3 VS 3” тэмцээний энэ оны шилдгүүд тодорлоо. М-Си-Эс Кока-Кола компани,“TLG13” ТББ-аас 8 дахь жилдээ хамтран зохион байгуулсан уг тэмцээн наймдугаар сарын 3-наас 12-ны өдрүүдэд Багануур, Эрдэнэт, Дархан, Улаанбаатар гэсэн маршрутаар явагдаж “Viva City” хороололд болсон аваргын төлөөх тоглолтонд Баянзүрх дүүргийн “LODE STAR” баг хожлоо. Ингэснээр хошой аварга “LODE STAR”-ын залуус NBA-ийн шилдэг багууд болох “Los Angeles Lakers”, “Golden State Warriors”-ын БНХАУ-д болох тоглолтыг үзэх эрхээр шагнуулсан  юм. 

“Sprite 3 VS 3” тэмцээнийг энэ удаад эрэгтэйчүүдийн 14-16, 17-оос дээш гэсэн хоёр насны, эмэгтэйчүүдийн нэг насны ангиллаар зохион байгуулсны зэрэгцээ тэмцээний хаалтын өдөр 11-ээс доош насны мини сагсан бөмбөгчид ширүүн өрсөлдөж өсөх ирээдүйтэйгээ харууллаа.