Ерөнхий мэдээлэл

Захиалагч эрх бүхий аж ахуйн нэгж, байгууллагыг Хэнтий аймаг, Хэрлэн сум, 7-р багт байршилтай "Өдөрт 80 бод мал төхөөрөх хүчин чадал бүхий үйлдвэрийн цэвэрлэх байгууламжийн зураг төсөл боловсруулах, тоног төхөөрөмж нийлүүлэх, барилга угсралтын ажил гүйцэтгэх " нээлттэй сонгон шалгаруулалтад оролцохыг урьж байна.

Хувилбарт санал:

Оролцогч нь захиалагчийн санал болгосон технологиос гадна өөрийн хэдэн ч хувилбараар технологийн шийдэл бүхий хувилбарт санал өгч болно. Санал болгосон шийдэл тус бүрт эскиз зургийг үнийн саналын хамт ирүүлнэ.

Нийлүүлэгчид тавигдах шаардлага

Нийлүүлэгч дор дурдсан шаардлагуудыг бүрэн хангасан байна. Үүнд:

• МУ-ын Хуулийн этгээдийн бүртгэлийн газар бүртгэлтэй, НӨАТ төлөгч байх;
• Цэвэрлэх байгууламжийн зураг төсөл чиглэлээр 3 жил, барилга угсралтын чиглэлээр сүүлийн 5 жил, байгаль орчны нөлөөлөх байдлын үнэлгээ хийх чиглэлээр 5 жил тогтвортой үйл ажиллагаа явуулсан туршлагатай байх;
• Холбогдох  тусгай зөвшөөрлүүдтэй байх;
• Мэргэшсэн боловсон хүчинтэй байх;

Үнийн санал ирүүлэх оролцогч баримт бичиг бэлтгэх, ирүүлэхтэй холбогдон гарсан бүхий л зардлыг өөрөө бүрэн хариуцна. Худалдан авах үйл ажиллагаатай холбоотой аливаа асуудал болон зөрчил үүссэн тохиолдолд М-Си-Эс Группийн Спийк-Аут хөтөлбөрөөр дамжуулан холбогдож шийдвэрлэнэ. Боломжит нийлүүлэгчийг мэдээллээр хангах зорилгоор бидний зүгээс хүргүүлж байгаа баримт бичиг, мэдээллүүд нь нууцын зэрэглэлтэй байх ба үнийн санал өгөхөөс бусад зорилгоор хуулбарлан ашиглахыг хориглоно.